Gazeta serbe “Alo” e cila është në shërbim të regjimit të Aleksander Vuçiqit ka shënjestruar sot Sonja Biserkon e cila ka marrë pjesë në organizimin e Zyrës Ndërlidhëse të Kosovës në Beograd për festën e pavarësisë së Republikës së Kosovës.
Për këtë medium, prania e Biserkos në këtë ceremoni festive është “një provokim”.
Në këtë organizim Biserko është parë në shoqërimin e deputetit shqiptar, Shaip Kamberi dhe Përfaqësuesit të Zyrës Ndërlidhëse të Kosovës atje, Jetish Jasharin.
"Kjo është hera e parë që nga hapja e Zyrës ndërlidhëse që shënohet Dita e pavarësisë së Kosovës në Beograd", shkroi Kamberi dje.
