“Në panik” pas vrasjes së Gjingjiqit, politikani serb zbulon se çfarë i tha Vuçiqi

Lajme

“Në panik” pas vrasjes së Gjingjiqit, politikani serb zbulon se çfarë i tha Vuçiqi

Më: 14 mars 2023 Në ora: 11:14
Aleksandar Vuçiq.

Ish-kryetari i Partisë Demokratike, Bojan Pajtiq në filmin dokumentar “Zoran Gjinxhiq – historia e Serbisë” ka rrëfyer një bisedë që pati me anëtarin e atëhershëm të Partisë Radikale Serbe dhe presidentin aktual të Serbisë, Aleksandar Vuçiq.

Ai ka thënë se Vuçiq e telefonoi atë “plotësisht në frikë dhe panik” menjëherë pas vrasjes së Gjingjiqit më 12 mars 2003.

“Vuçiq më thirri në telefon duke qeshur duke më thënë ‘do na arrestoni’ krejt në frikë dhe panik, pse të arrestojmë, pse të arrestojmë kundërshtarët politikë, për hir të Zotit do të arrestohen kriminelët dhe vrasësit.” – ka thënë Pajtiq në dokumentar, shkruajnë mediat serbe.

 

20 vjet pas vrasjes, të dielën Gjingjiq u përkujtua Albin Kurti, veprim për të cilin u kritikua kryeministri, e për çka u kundërpërgjigj dje.

“Zoran Gjingjiq, i cili nuk ishte dashamirës i Kosovës, por ishte ndër të paktët liderë atje që nuk bashkëpunoi me Millosheviqin. Ai u vra nga eksponentë të krimit të organizuar që kanë kryer krime të luftës edhe në Kosovë. Tash natyrisht do të kritikohem, mirëpo bindja ime e fuqishme është se në këtë përvjetor jubilar të kësaj vrasje politike dhe atentati ndaj një gjysmë demokracie që po lind në Serbi është dashur të shënohet”,ka thënë Kurti.

comment Për komente lëvizni më poshtë
Sot mund të lexoni Shfletoni kopertinat