Plenkoviq: Duhet shtensionim dhe zgjedhje të reja gjithëpërfshirëse në veri të Kosovës

Lajme

Plenkoviq: Duhet shtensionim dhe zgjedhje të reja gjithëpërfshirëse në veri të Kosovës

Më: 29 qershor 2023 Në ora: 14:54
Kryeministri i Kroacisë, Andrej Plenkoviq

Kryeministri i Kroacisë, Andrej Plenkoviq, ka thënë se Kroacia dëshiron shtensionim të situatës në veri të Kosovës.

Ai ka thënë se qëndrimi i vendeve të BE-së është se duan zgjedhje të reja në veri të Kosovës, por ku marrin pjesë edhe serbët e Kosovës.

“Qëndrimi ynë është se duam deeskalim pas të gjitha incidenteve të muajve të fundit, e që nuk ishin pak. Porosia e dytë, duam sa më shpejt të mbahen zgjedhje të reja në komunat me shumicë serbe në veri të Kosovës. Zgjedhjet duhet të jenë të sigurta. Në zgjedhjet e fundit pati bojkot. Unë isha në Podgoricë bisedova me përfaqësuesit e Kosovës, e dëgjova edhe kryeministrin e Kosovës, Albin Kurti. Po ashtu në Vojvodinë bisedova me kryeministren e Serbisë, Ana Bërnabiq. Kam marrë pikëpamjet e të dy liderëve. Ekziston gatishmëria për organizimin e zgjedhjeve, por duhet të jenë gjithëpërfshirëse. Nëse bojkotohen, atëherë do të gjendemi sërish në situatë të njëjtë. Kroacia do paqe, deeskalim e zgjedhje të reja”, ka thënë Plenkoviq, para takimit të Këshillit të BE-së.

Plenkoviq ka thënë se edhe Beogradi duhet t’u bëjë thirrje qytetarëve serbë në veri të Kosovës që të marrin pjesë në zgjedhje.

comment Për komente lëvizni më poshtë
Sot mund të lexoni Shfletoni kopertinat