Gjendet shtetasi i huaj i cili kishte humbur dje në Malet e Sharrit

Lajme

Gjendet shtetasi i huaj i cili kishte humbur dje në Malet e Sharrit

Më: 9 qershor 2024 Në ora: 11:25
Foto ilustrim

Shërbimi i Kërkim-Shpëtimit Malor të Kosovës ka njoftuar se është gjetur personi i cili ishte humbur dje në zonën e qendrës skitare të Brezovicës. Ai ishte shtetas i huaj.

ShKShMK’ja dje në orët e vona të mbrëmjes ka zhvilluar një operacion në malet e Sharrit.

Personi i humbur është në gjendje të mirë shëndetësore.

“Pas një kohë të shkurtë është bërë lokalizimi i personit të humbur, i cili kishte mbetur i bllokuar në një greminë ndër majën e Livadheve.

Fatmirësisht gjendja e tij shëndetësore ka qenë stabile, por në mungesë të veshmbathjes adekuate ka patur të ftohtë.

Të humburit i është dhëna ndihma e parë duke e ngrohur dhe ushqyer, pastaj është evakuar deri te patrulla e policisë në qendrën skitare të Brezovicës”, thuhet në njoftimin etyre.

comment Për komente lëvizni më poshtë
Sot mund të lexoni Shfletoni kopertinat