Ky është eprori policor i arrestuar tek “Dheu i Bardhë”, aksion për spiunazh vazhdon

Lajme

Ky është eprori policor i arrestuar tek “Dheu i Bardhë”, aksion për spiunazh vazhdon

Më: 17 korrik 2025 Në ora: 10:06 Përditësuar në ora: 12:33 më 17.07.2025
Foto ilustrim

Aksioni i Prokurorisë për spiunazh, arrestohet një polic

Ministri në detyrë i Punëve të Brendshme, Xhelal Sveçla ka konfirmuar arrestimin e një polici gjatë operacionit të sotëm kundër spiunazhit.

Sveçla thekson se është aksion i rëndësishëm, që sipas tij, rrit sigurinë.

Sot, autoritetet në Kosovë kanë nisur të enjten, më 17 korrik, një operacion me dyshimet për spinuazh.

Drejtuar nga Prokuroria Speciale e Kosovës, operacioni po zhvillohet në bashkëpunim me Inspektoratin Policor të Kosovës dhe Agjencinë e Kosovës për Inteligjencë.

“Operacioni është ende në zhvillim dhe për shkak të ndjeshmërisë së hetimeve, më shumë detaje do të bëhen publike pas përfundimit të operacionit”, njoftoi Prokuroria Speciale e Republikës së Kosovës.

Sipas njoftimit, Prokurori i Shtetit do të ndërmarrë të gjitha veprimet e nevojshme hetimore në përputhje me ligjet në fuqi.

Ky është i arrestuari për spiunazh – Mbante pozitën e zv/komandantit dhe shef i operativës në Policinë e Kosovës

Media ka siguruar ekskluzivisht identitetin e zyrtarit të lartë të Policisë së Kosovës, i cili është arrestuar më 17 korrik 2025 në pikën kufitare “Dheu i Bardhë”, nën dyshimet serioze për përfshirje në veprimtari spiunazhi.

I arrestuari është Bojan Jevtić, zyrtar policor me gradë të lartë, që mbante njëkohësisht pozitën e zëvendëskomandantit dhe shefit të operativës në një prej strukturave të policisë në pjesën veriore të Kosovës.

Jevtić ka qenë nën hetim dhe vëzhgim prej një kohe të gjatë, për shkak të dyshimeve të bazuara për bashkëpunim me struktura të Serbisë dhe rrjedhje të informatave të ndjeshme me karakter të sigurisë kombëtare.

Arrestimi i tij është bërë nga IPK, ndërsa operacioni është zhvilluar në bashkëpunim me agjenci të tjera të sigurisë dhe nën autorizim të Prokurorisë Speciale të Republikës së Kosovës.

Pas arrestimit, autoritetet kanë ndërmarrë bastisje në lokacionet e tij personale dhe zyrtare, ku janë sekuestruar pajisje elektronike, dokumente dhe të dhëna të cilat dyshohet se janë përdorur për aktivitetin e tij të dyshuar kriminal.

Rasti ka alarmuar strukturat e sigurisë dhe pritet të ketë edhe arrestime të tjera për natyrës së veprës penale.

Raportohet se është arrestuar një epror policor tek “Dheu i Bardhë” – Dyshohet për spiunazh, ishte nën hetim e vëzhgim prej kohësh

Raportohet se një zyrtar i lartë policor është arrestuar sot në pikën kufitare “Dheu i Bardhë”, në një aksion të zhvilluar nga njësitet speciale të Policisë së Kosovës në bashkëpunim me agjenci të tjera shtetërore.

Burime të besueshme të sinjalit bëjnë të ditur se i arrestuari është një epror policor me qasje në informacione sensitive dhe prej kohësh ka qenë nën hetim të heshtur nga AKI për dyshime serioze për veprimtari spiunazhi dhe rrjedhje të të dhënave konfidenciale.

Operacioni është kryer në bazë të një urdhërese të lëshuar nga Prokuroria Speciale e Republikës së Kosovës, ndërsa arrestimi është bërë nga IPK dhe Policia e Kosovës.

-------

Inspektorati Policor i Kosovës bashkë me Agjencinë e Kosovës për Inteligjencë janë duke zhvilluar një operacion nën udhëheqjen e Prokurorisë Speciale, në lidhje me dyshimet për veprën penale të spiunazhit.

Sipas njoftimit të Prokurorisë Speciale, operacioni është ende në zhvillim.

Për shkak të ndjeshmërisë së hetimeve, më shumë detaje do të bëhen publike pas përfundimit të operacionit.

 

 

“Prokurori i Shtetit do të ndërmarrë të gjitha veprimet e nevojshme hetimore në përputhje me ligjet në fuqi”- thuhet në njoftimin e datës 17.07.2025.

Njoftimi i plotë:

Komunikatë e përbashkët

Prokuroria Speciale e Republikës së Kosovës

Inspektorati Policor i Kosovës

Prishtinë, 17 Korrik 2025 - Prokuroria Speciale e Republikës së Kosovës njofton opinionin publik se nën udhëheqjen e saj, është duke u zhvilluar një operacion në bashkëpunim me Inspektoratin Policor të Kosovës dhe Agjencinë e Kosovës për Intelegjencë, në lidhje me dyshimet për kryerjen e veprës penale të spiunazhit.

Operacioni është ende në zhvillim dhe për shkak të ndjeshmërisë së hetimeve, më shumë detaje do të bëhen publike pas përfundimit të operacionit.

Prokurori i Shtetit do të ndërmarrë të gjitha veprimet e nevojshme hetimore në përputhje me ligjet në fuqi.

comment Për komente lëvizni më poshtë
Sot mund të lexoni Shfletoni kopertinat