Dy çanta me mallra të padeklaruara kapen në pikën kufitare të Vërmicës

Lajme

Dy çanta me mallra të padeklaruara kapen në pikën kufitare të Vërmicës

Më: 9 tetor 2025 Në ora: 14:35
Foto ilustrim

Zyrtarët doganorë në Pikëkalimin Kufitar të Vërmicës kanë ndaluar për kontroll një automjet të transportit të udhëtarëve, ku janë zbuluar dy çanta të mbushura me mallra tekstile të padeklaruara.

Sipas Doganës së Kosovës, vozitësi kishte deklaruar se nuk posedonte mallra për deklarim, por gjatë kontrollit të detajuar u konstatuan të kundërtat.

Në bazë të nenit 244 të Kodit Doganor dhe të Akcizës së Kosovës, rasti është cilësuar si kundërvajtje doganore, ndërsa mallrat janë ndaluar përkohësisht deri në përfundimin e procedurave ligjore.

Dogana ka theksuar se mbeten të përkushtuara në luftën kundër kontrabandës dhe në mbrojtjen e tregut dhe interesave të qytetarëve.

comment Për komente lëvizni më poshtë
Sot mund të lexoni Shfletoni kopertinat