Qeveria e RMV-së miraton programin ekonomik 2022/24

Maqedonia

Qeveria e RMV-së miraton programin ekonomik 2022/24

Më: 28 janar 2022 Në ora: 18:13
Foto ilustrim

Në seancën e 8-të me radhë, Qeveria e Maqedonisë së Veriut ka miratuar Programin për reforma ekonomike 2022-2024 në të cilin janë identifikuar sfidat kyçe të cilat duhet të fuqizojnë konkurrencën dhe rritjen e ekonomisë.

Me Programin e miratuar, periudha trevjeçare që vijon do të fokusohet në fuqizimin e kapitalit njerëzor për zhvillim gjithëpërfshirës, nxitje të tranzicionit të gjelbër, si dhe përparimin e konkurrencës për ndërmarrjet vendore, integrimin e tyre në vlerat globale dhe formalizmin e ekonomisë.

Siç sqarohet në kumtesën qeveritare, risia në Programin për reforma ekonomike 2022-2024 qëndron në reformat në mjedisin jetësor në pjesën e tranzicionit të gjelbër, të cilat kanë të bëjnë me ballafaqimin me mbeturinat e forta dhe ujërat e zeza.

Njëra nga sfidat kyçe, siç thuhet në kumtesë, është efikasiteti energjetik dhe burimet e ripërtëritshme të energjisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat