Stolisja e kryeqytetit, që po e shijojnë vetëm policët

Prishtina

Stolisja e kryeqytetit, që po e shijojnë vetëm policët

Më: 9 dhjetor 2020 Në ora: 21:45
Policia e Kosovës

Komuna e Prishtinës ka shpenzuar mijëra euro për stolisjen e qytetit për festat e fundvitit, por masat e ndërmarra nga Qeveria për kufizimin e lëvizjes shkaku pandemisë COVID-19, kanë bërë që qytetarët të braktisin sheshet para orës 19:00.

Në disa fotografi të postuara në faqen zyrtare të Policisë se Kosovës në Facebook, shihen pesë pjesëtare të Policisë së Kosovës të vetëm në sheshet e kryeqytetit duke shijuar bukurinë e ndriçimit për festa

Sipër fotografive është shkruar se Policia e Kosovës është e përkushtuar të jap kontributin e saj, dhe përveç kësaj e gatshme që kudo dhe kurdo, në çfarëdo rrethana të kujdeset edhe për sigurinë.

Ndriçimi i shesheve në Prishtinë është bërë më datën 5 dhjetor.

Aktualisht, Komuna e Prishtinës është në zonën e kuqe sa i përket rasteve me COVID-19, vetëm në 24-orët e fundit në kryeqytet janë konfirmuar 269 raste të reja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat