Rama shkon në Policinë e Kosovës, kjo është arsyeja

Prishtina

Rama shkon në Policinë e Kosovës, kjo është arsyeja

Më: 26 janar 2022 Në ora: 15:10
Përparim Rama dhe Fahredin Verbovci

I pari i kryeqytetit, Përparim Rama, njofton për takimin e zhvilluar me Komandantin e Policisë për Rajonin e Prishtinës, Kolonel Fahredin Verbovci, dhe komandantët e tri stacioneve policore të kryeqytetit.

Sipas Ramës takimi është zhvilluar me qëllim të thellimit të bashkëpunimit me Policinë e Kosovës.

“Do të përforcohen forumet ekzistuese dhe do të institucionalizohet bashkëpunimi i rregullt mes dy institucioneve, për sigurinë e qytetarëve të Prishtinës”, thuhet në njoftimin e Ramës.

Njoftimi i tij i plotë:

Para pak ditësh takova Komandantin e Policisë për Rajonin e Prishtinës, Kolonel Fahredin Verbovci, dhe komandantët e tri stacioneve policore të kryeqytetit. Kolonel Verbovci ma mirëpriti qasjen mbi avancimin e konceptit bashkëkohor të policimit të bazuar në komunitet, duke thënë se bashkëpunimi me Komunën është jetik për jetësimin e parametrave të sigurisë në bashkësi.

Unë zotohem se bashkëpunimi me Policinë e Kosovës do të jetë ndër prioritetet e zyrtarëve komunalë. Do të përforcohen forumet ekzistuese dhe do të institucionalizohet bashkëpunimi i rregullt mes dy institucioneve, për sigurinë e qytetarëve të Prishtinës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat