Komuna e Prishtinës merr vendim, s’ka më trotinetë elektronikë në sheshe

Prishtina

Komuna e Prishtinës merr vendim, s’ka më trotinetë elektronikë në sheshe

Më: 13 gusht 2022 Në ora: 12:59
Foto ilustrim

Komuna e Prishtinës ka marrë vendim për të ndaluar qarkullimin e trotinetëve elektrikë në sheshet e Prishtinës dhe në ato vende ku ka frekuentim të madh të këmbësorëve. 

Këtë lajm e ka bërë të ditur nënkryetari i komunës, Alban Zogaj, në një postim në Facebook. 

“Me vendim të Kryetarit, kemi ndaluar qarkullimin e trotinetëve elektrikë në sheshet e Prishtinës, dhe në vendet ku ka frekuentim të madh këmbësorësh! Kjo masë e domosdoshme është marrë deri në votimin e rregullores e cila është duke u punuar”, ka shkruar ai.

Për përdorimin e trotinetëve elektrikë pa një ligj të caktuar janë ankuar edhe shumë qytetarë për shkak të vështirësimit të komunikacionit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat