Kryetari i Prishtinës, Përparim Rama, ka deklaruar se mësimi tërëditor mbetet një nga reformat më të rëndësishme në arsimin e kryeqytetit.
Rama theksoi se së bashku me Drejtorinë e Arsimit kanë diskutuar për zbatimin e këtij modeli në dy fazat e para, sfidat e hasura dhe hapat e ardhshëm të reformës.
Në fokus mbeten ndërtimi i shkollave të reja, riorganizimi i rrjetit shkollor, përmirësimi i cilësisë në organizim, si dhe forcimi i bashkëpunimit me shkollat dhe partnerët jashtë saj.
“Kryeqyteti mbetet i përkushtuar në ndërtimin e një sistemi arsimor cilësor dhe të qëndrueshëm”, tha Rama, duke nënvizuar rëndësinë e bashkëpunimit të ngushtë mes institucioneve dhe komunitetit arsimor.
