Komuna e Prishtinës gjobitet nga MMPH për deponinë e inerteve

Prishtina

Komuna e Prishtinës gjobitet nga MMPH për deponinë e inerteve

Nga: A.SH Më: 25 maj 2026 Në ora: 21:30
Foto ilustrim

Ministria e Mjedisit dhe Planifikimit Hapësinor ka gjobitur Komuna e Prishtinës me 5 mijë euro për shkak të zhvillimit të aktivitetit në deponinë e inerteve në Matiqan, në kundërshtim me ligjet për mbrojtjen e ujërave dhe mjedisit.

Sipas inspektoratit, në këtë zonë janë kryer punime dhe depozitime të materialeve inerte pa lejet dhe dokumentacionin e nevojshëm ligjor. Autoritetet kanë bërë të ditur se aktiviteti ka vazhduar pavarësisht urdhrave të mëhershëm për ndërprerje.

“Gjobitet Komuna e Prishtinës në vlerë prej 5 mijë euro nga inspektorati i Ministrisë së Mjedisit

Inspektorati i MMPH-së, ka shqiptuar gjobë në vlerë prej 5 mijë euro ndaj Drejtorisë së Urbanizmit dhe Mjedisit në Komunën e Prishtinës, për shkak të zhvillimit të aktivitetit në deponinë e inerteve në Matiqan, në kundërshtim me dispozitat ligjore për mbrojtjen e ujërave dhe mjedisit.

Inspektorati ka konstatuar se në këtë hapësirë janë zhvilluar punime dhe depozitime të materialeve inerte pa përmbushjen e obligimeve ligjore dhe pa dokumentacionin e nevojshëm për leje ujore dhe procedura të tjera përkatëse. Përkundër vendimeve dhe urdhrave të mëhershëm të inspektoratit, aktiviteti ka vazhduar.

Mbrojtja e mjedisit dhe e pasurive ujore është obligim ligjor për secilin nivel të qeverisjes. Si Ministre e Mjedisit dhe Planifikimit Hapësinor do të vazhdoj të mbështes veprimet e inspektoratit dhe zbatimin e ligjit pa dallim, me qëllim të mbrojtjes së mjedisit dhe interesit publik”, thuhet në njoftimin.

comment Për komente lëvizni më poshtë
Sot mund të lexoni Shfletoni kopertinat