Tuneli “Idriz Gjilani”, në lagjen Dardania në Prishtinë, do të mbyllet për qarkullim nga sot, 30 tetor, në orën 18:00, deri më 1 nëntor, në orën 17:00.
Sipas njoftimit të Komunës, mbyllja bëhet për shkak të organizimit të aktivitetit “Halloween te Kultura House”, me qëllim të garantimit të sigurisë së pjesëmarrësve.
Drejtoria e Mobilitetit u ka bërë thirrje qytetarëve dhe pjesëmarrësve në trafik që gjatë kësaj periudhe të shfrytëzojnë rrugët alternative dhe të respektojnë sinjalizimin në terren.
Njoftimi:
Të nderuar qytetarë,
Ju njoftojmë se, me rastin e organizimit të eventit “Halloween te Kultura House”, tuneli “Idiz Gjilani” në lagjen Dardania do të jetë i mbyllur për qarkullim nga data 30.10.2026, duke filluar nga ora 18:00, deri më 01.11.2026, në ora 17:00.
Kjo masë po ndërmerret për të mundësuar zhvillimin e aktivitetit dhe për të garantuar sigurinë e pjesëmarrësve.
Lusim qytetarët dhe të gjithë pjesëmarrësit në trafik që gjatë kësaj periudhe të shfrytëzojnë rrugët alternative dhe të respektojnë sinjalizimin e vendosur në terren.
Ju falënderojmë për mirëkuptimin dhe bashkëpunimin!