Mjekët: Të sëmurët me COVID paraqiten vonë në spital

Shqipëria

Mjekët: Të sëmurët me COVID paraqiten vonë në spital

Më: 27 dhjetor 2020 Në ora: 15:46
Foto ilustrim

Të infektuarit nga koronavirusi me simptoma të lehta dhe të mesme mund të trajtohen në shtëpi por gjithmonë duke u ndjekur nga mjeku i familjes, ndërsa rastet që kanë nevojë për oksigjen duhet patjetër të drejtohen në spital. Mjekja infeksioniste Entela Ramosaco tregon se disa paciente kanë tendencë të qëndrojnë në shtëpi dhe kur nivelet e oksigjenit kanë rënë.

“Trajtimi me oksigjeno-terapi kur e sheh që situata nuk po shkon mire sigurisht që është mjaft i rrezikshëm pasi kemi parë që të sëmurë të tillë agravojnë me orë. Edhe ne nuk ndihemi mirë që pacient të vij me saturime të ulëta , të rrezikshme sepse me pas ecuria drejt procedurave me invazive me oksigjeno-terapi do të jete me e shpejtë, pacienti do futet në terapi intensive ose sub intensive. Shpesh herë kur pacientet vijnë vonë dhe intubohen vonë, mund të mos këtë më rezultat”.

Mjekët thonë se për një person të infektuar nga koronavirusi java e dytë është vendimtare për të përcaktuar ecurinë e sëmundjen ndaj dhe alerti duhet të jetë shumë më i madh.

“Disa nga faktorët që tregojnë se sëmundja s’po ecën mirë është temperatura e lartë , lodhja e madhe, djersitja, dhe veçanërisht oksigjeni nëse bien nen 93 duhet kërkuar ndihme mjekësore”

Në 4 spitalet COVID që janë të hapura në kryeqytet kanë ardhur në rënie shifrat e pacientëve dhe të atyre që trajtohen në terapi intensive. Mbeten shqetësim jetët e humbura që sipas mjekeve lidhen edhe me vonesën e pacientëve për t’ju drejtuar spitalit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat