Ardit Kërtusha, një nga dy ish-zyrtarët socialistë të qytetit të Durrësit, të cilët braktisën PS, dhe dolën në mbështetje të hapur të Partisë Demokratike, shprehet në një intervistë për News24 se ky vendim s’ka qenë aspak i lehtë.
Ai e quan atë një veprim patriotik, i cili u bë për të mirën e vendit, dhe për të kontribuar sipas tij në rrotacionin e pushtetit.
Sipas Kërtushës, Vangjush Dako edhe pse jo publikisht, po punon për Partinë Socialiste. Shqetësuese për të riun, situata paraqitet, edhe në degët e PS, në Durrës, ku janë aktivizuar persona me të shkuar kriminale.
Ish-kreu i FRESH thotë se pas vendimit të tyre për të mbështetur PD, kanë nisur edhe presionet e lëvizjet në zonat që ata kanë influencë. Ish-zyrtari socialist shprehet i bindur, se një lider si Lulzim Basha, do i sjellë vendit normlitet, zhvillim e anëtarësim në BE.
