Kandidati për deputet në Qarkun e Korçës, Ervin Salianji thekson se Shqipëria nuk do të shkojë drejt shkatërrimit dhe se shqiptarët do të votojnë kundër pushtetit të Rilindjes.
Nëpërmjet një reagimi në rrjetet sociale, Salianji thekson se shqiptarët do të votojnë për ndryshimin duke votuar numrin 9 në fletën e votimit.
Reagimi i Salianjit:
Padurimi për të votuar kundër pushtetit të rilindjes shihet në çdo takim, në çdo fytyrë, në çdo fjalë të qytetarëve të Korçës. Shqipëria nuk do të shkojë drejt humnerës, drejt shkatërrimit, Shqipëria do të përqafojë ndryshimin, Partinë Demokratike dhe programin e saj. Po! Ndryshimi do të vijë e programi do të zbatohet. Unë angazhohem se do të jem në shërbim të qarkut të Korçës dhe ky është privilegji më i madh që më kanë dhënë qytetarët korçarë. Voto 9, Voto PD, për Korçën për Shqipërinë
