Moti i keq dëmton monumentet/ Voskopojë, dëmtime serioze në kishën e Shën Thanësit, shembet çatia

Shqipëria

Moti i keq dëmton monumentet/ Voskopojë, dëmtime serioze në kishën e Shën Thanësit, shembet çatia

Më: 19 korrik 2021 Në ora: 15:33
Foto

Shiu i një dite më parë ka shkaktuar dëme të konsiderueshme në një prej monumenteve më të rëndësishme të Kulturës në Voskopojë.

30 % e çatisë të kishës së Shën Thanasit është shembur ndërsa nëse nuk ndërhyhet para dimrit, dëmi rrezikon të bëhet edhe më i madh.

Kisha daton në vitin 1724 dhe ka afreskun të ruajtur më mirë nga të gjitha objektet e tjera të këtij fshati por prej vitit 2010 në çati nuk janë bërë më ndërhyrje duke sjellë amortizimin e saj në masën 90 %. Një ndërhyrje e përkohshme do të bëhet në pjesën veriore të çatisë por nëse restaurimi i plotë nuk bëhet para vjeshtës rreziku për dëme të pariparueshme është shumë i madh.

Ky nuk është i vetmi monument kulture që ka nevojë urgjente për ndërhyrje pasi edhe kisha e Shën Mëhillit ka të njëjtat probleme por mungesa e financimeve bën që projektet të mbeten vetëm në letër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat