Arrestohet 27-vjeçari që kreu atentat, arrestohet edhe daja i tij me arsenal armësh

Shqipëria

Arrestohet 27-vjeçari që kreu atentat, arrestohet edhe daja i tij me arsenal armësh

Më: 16 tetor 2021 Në ora: 10:35
Ilustrim

Policia e Kurbinit ka zhvilluar një operacion për të kapur Kadri Kurtajn (Imerin), 27 vjeç, banor i fshatit Sanxhak, pasi ai tentoi të kryente një vrasje me paramendim.

Kadri Kurtaj pas tentativës për të vrarë Emanuel Preçin më 14 gusht 2021 në qytetin e Laçit, shkoi për t’u fshehur në shtëpinë e dajës së tij Agron Koçi.

Policia e Kurbinit kreu operacionin e koduar “Sanxhaku: dhe arriti të arrestojë Kurtan, për të cilin Gjykata e Rrethit Gjyqësor Kurbin kishte caktuar masën e sigurisë "Arrest në burg" për veprat penale "Vrasje me paramendim” mbetur në tentativë dhe "Armëmbajtja pa leje".

Gjatë kontrolleve të ushtruara nga Policia për kapjen e 27 vjeçarit, në banesën e dajës së tij, Agron Koçi, i cili u arrestua në flagrancë menjëherë pas ngjarjes më datën 14 gusht 2021, shërbimet e Policisë gjetën dhe sekuestruan armën e zjarrit, një automatik me të cilën dyshohet se nipi Kadri Kurtaj kishte plagosur 25 vjeçarin Emanuel Preçi.

Gjithashtu, po në banesën e dajës, Agron Koçi, shërbimet e Policisë gjetën dhe sekuestruan edhe një armë tjetër e llojit pushkë,  8 kallëpe me lëndë plasëse tritol, fitil zjarrëpërcjellës, 70 kapsolla detonatore dhe 1.3 kg lëndë narkotike.

Materialet i kaluan Prokurorisë pranë Gjykatës së Shkallës së Parë Kurbin, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat