Balla i drejtohet Bashës: Nuk kërkove mocion me debat për progres-raportin e KE-së. Do ta kërkojmë vetë

Shqipëria

Balla i drejtohet Bashës: Nuk kërkove mocion me debat për progres-raportin e KE-së. Do ta kërkojmë vetë

Më: 25 tetor 2021 Në ora: 18:02
Taulant Balla

Kryetari i grupit parlamentar të PS-së, Taulant Balla këtë të hënë deklaroi se socialistët do kërkojnë një mocion me debat progres-raportin e Komisionit Europian për Shqipërinë.

Në fjalën e tij në Kuvend, Balla duke iu drejtuar kreut të PD-së Lulzim Basha tha se progres-raporti i vitit 2021 është më i miri që ka pasur Shqipëria.

Sipas tij, kurrë më parë nuk është thënë se Shqipëria ka vazhduar të konsolidojë të gjitha reformat që e çojnë vendin drejt Bashkimit Europian.

Balla tha se vendi i ka përmbushur të gjitha kriteret për të mbajtur konferencën e parë ndërqeveritare për negociatat.

“Ne do të kërkojmë mocion me debat për progres-raportin. Nëse nuk e bëni ju, bujrum ta bëjmë ne.  Z. Basha, progres raporti i vitit 2021 është më i miri që ka pasur Shqipëria. Kurrë më parë nuk është thënë që Shqipëria ka vazhduar të konsolidojë të gjitha reformat që e çojnë drejt Bashkimit Europian, i ka përmbushur të gjitha kriteret për të mbajtur konferencën e parë ndërqeveritare për negocitat. Të gjitha detyrat e lëna për reformën në drejtësi konsiderohen si të plotësuara nga Qeveria“, tha Balla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat