Lejuan ndërtimet pa leje në Vlorë, Vartësit e Dritan Leli tek Urbanistika akuzohen për shpërdorime

Shqipëria

Lejuan ndërtimet pa leje në Vlorë, Vartësit e Dritan Leli tek Urbanistika akuzohen për shpërdorime

Më: 11 nëntor 2021 Në ora: 16:13
Foto ilustrim

Dy zyrtarë të bashkisë së Vlorës në zyrën e Urbanistikës, të dyshuar për abuzim me detyrën do të hetohen me masën e arrestit në shtëpi. Përgjegjësi i zyrës së Urbanistikës Rubin Hekurani dhe specialisti i kësaj zyre në bashkinë e Vlorës Klaudio Mehmetaj dyshohen se favorizuan një ndërtim pa leje.

Dy vartësit e kryebashkiakut të Vlorës, Dritan Leli, të arrestuar për abuzim me detyrën për ndërtime pa leje u nxorrën nga qelia por do të vijojën të hetohen.

Gjykata e Vlorës vendosi masën e sigurisë “arrest me burg” për Shefin e urbanistikës  Rubin Hekurani, dhe specialistin e kësaj zyre në Bashkinë e Vlorës Klaudio Mehmetaj.

Gjithashtu në arrest shtëpie mbeti edhe shtetasi Niko Kalus, i cili ka ndërtuar në mënyrë të jshtëligjshme me lejen e zyrtarëve të Bashkisë.

Rubin Hekurani, Klaudio Mehmetaj, dhe Niko kalus u arrestuan të martën për lejen e ndërtimit dhe të veprimtarisë së një lokali në katin e parë të një pallati në rrugën Trans-ballkanike.

Mendohet se të dy punonjësit e bashkisë kanë shpërdoruar detyrën duke dhënë leje të falsifikuar në bashkëpunim me pronarin e biznesit.

Zyrtarët lokalë në Vlorë janë përfshirë në një varg skandalesh që kanë të bëjnë kryesisht me pronat në bregdet.

comment Për komente lëvizni më poshtë
Sot mund të lexoni Shfletoni kopertinat