Qerim Ismaili në Gjykatë, kryebashkiaku i Mallakastrës kërkon gjykim të shkurtuar

Shqipëria

Qerim Ismaili në Gjykatë, kryebashkiaku i Mallakastrës kërkon gjykim të shkurtuar

Më: 26 nëntor 2021 Në ora: 14:22
Qerim Ismaili

Kryebashkiaku i Mallakastrës kërkon gjykim të shkurtuar. Ismaili akuzohet se falsifikoi formularin e dekriminalizimit. Sipas Prokurorisë, i zgjedhuri është dënuar me 3 vjet në Greqi.

Kryebashkiaku i Mallakastrës, Qerim Ismaili kërkon në Gjykatën e Posaçme gjykim të shkurtuar në procesin ku u dërgua nga SPAK me akuzën e falsifikimit të formularit të dekriminalizimit.

Ditën e sotme, në Gjykatë është mbajtur seanca e paraprake ku Prokuroria kërkoi kalimin e çështjes për gjykim.

Vetë i pandehuri Qerim Ismaili nuk ishte i pranishëm në Gjykatë pasi kishte zgjedhur të përfaqësohej nga avokati mbrojtës.

Seanca e radhës e këtij procesi u caktua në 3 dhjetor.

Hetimet ndaj kryebashkiakut të Mallakastrës filluan me denoncim nga Partia Demokratike, ndërkohë që Prokuroria e Përgjithshme ka arritur në përfundimin se i zgjedhuri vendor ka qenë i dënuar me tre vite burg në Greqi.

Këtë fakt, sipas Prokurorisë, Ismaili nuk e kishte deklaruar në formularin e dekriminalizimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat