Shiu përmbyt shtëpitë në Bajram Curr, qytetari: Nuk na ndihmon askush

Shqipëria

Shiu përmbyt shtëpitë në Bajram Curr, qytetari: Nuk na ndihmon askush

Më: 6 dhjetor 2021 Në ora: 22:45
Foto ilustrim

Reshjet e dendura të shiut kanë shkaktuar problematika në të gjithë vendin.

Në Bajram Curr, disa banesa janë nën ujë. Një qytetar denoncon në Ti Raporton: “Jemi ankuar disa herë në bashki dhe nuk na ndihmojnë. Kërkojmë ndihmë sepse jemi nën ujë. Nga bashkia nuk na vjen askush”.

Prej ditësh, vendi është përfshirë nga moti i keq, si pasojë e një qendre ciklonare të krijuar në detin Adriatik, me reshje të dendura nga veriu në jug.

Sipas Meteoalb, do të ketë një përmirësim të situatës ditën e martë dhe të mërkurë por do të shënohen temperatura të ulëta deri në -6 dhe -7 gradë në zonat malore, po një tjetër ciklon do të zhvillohet në fundjavë, që do të sjellë shira të konsiderueshme në vend.

comment Për komente lëvizni më poshtë
Sot mund të lexoni Shfletoni kopertinat