Presidenca i kërkon llogari GJK-së për 30 qershorin, ja pyetjet që i drejton

Shqipëria

Presidenca i kërkon llogari GJK-së për 30 qershorin, ja pyetjet që i drejton

Më: 7 dhjetor 2021 Në ora: 17:17
Ilir Meta

Ashtu siç u njoftua, në orën 17:00 nisi konferenca nga institucioni i presidencës për të komentuar lidhur me vendimin e marrë nga Gjykata Kushtetuese, për rrëzimin e kërkesës për shpalljen anti-kushtetuese të zgjedhjeve vendore të mbajtura në 30 qershor të vitit 2019.

Në konferencë ishin të pranishëm dy prej këshilltarëve të presidentit Ilir Meta. Përgjigjia nga ana e presidencës ishte se ky vendim i marrë nga Gjykata Kushtetuese ishte anti-kushtetues pasi gjatë procesit zgjedhor ishin bërë një sërë shkeljesh, për të cilat presidenca drejtoi disa pyetje drejt organit të lartë.

Këshilltarët e presidentit, Ilir Meta:

Ditën e djeshme, presdienti është njohur zyrtarisht me vendimin numër 36 datë 4 nëntor të gjykatës Kushtetuese ku u rrëzua kërkesa e Shoqatës së Bashkive e cila kishte kërkuar që të shpalleshin anti-kushtetuese votimi I zgjedhjeve lokale të 2019.

Presidenti mbështeti këtë kërkesë, jo vetëm kaq por si palë e interesuar i kërkon gjykatës që është instance e vetme që mund ta bëjë, kontrollin e kushtetutshmërisë së akteve të ndërmarra për të përmbushur misionin që Kushtetuta kërkon duke nxjerrë edhe pasojat që vijnë pas një votimi antikushtetuese, monist sic ishte ai I 30 qershorit.

Vetëm nëpërjet një vendimi të marrë me themel gjykata do u jepte mundësinë shqiptarëve për një process të denjë votimi. Por përkundër të gjithë këtyre pritshmërive, kjo gjykatë për fat të keq I zhgënjeu të gjithë. Gjykata Kushtetuese me këtë vendim hoqi dorë nga ushtrimi I vullnetit të saj dhe e shfaqi veten jo kompetente për këtë çështje.

Për fat të keq, Gjykata Kushtetuese, faktikisht e la çështjen pa vendim përfundimtar.

Në procesin e votimeve të 30 qershorit, a iu mohua të gjithë shtetasve shqiptarë e drejta për të zgjedhur?
A mundet sipas Kushtetutës të zhvillohen zgjedhje pa një datë të përcaktuar nga presidenti?
A ishin votimet e zhvilluara në përputhje me parimet e Kushtetutës?
A mundet që sipas Kushtetutës, data e azgjedhjeve të diktohet nga Kuvendi?
A quhen zgjedhje pluraliste kur aty ka vetëm një kandidat?
A ka kodi zgjedhor një zgjidhje për këtë, ku në zgjedhje paraqitet vetëm një kandidat?

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat