Shoferi humb kontrollin e mjetit në Bulqizë, makina kthehet përmbys në rrugë

Shqipëria

Shoferi humb kontrollin e mjetit në Bulqizë, makina kthehet përmbys në rrugë

Më: 8 dhjetor 2021 Në ora: 11:29
Foto nga vendi i ngjarjes

Një aksident ka ndodhur në vendin e quajtur ‘Kthesa Kice’, në aksin rrugor Bulqizë-Peshkopi, ku për pasojë është plagosur drejtuesi i një automjeti.

Shoferi i një automjeti tip fuoristradë ka humbur kontrollin dhe është përmbysur në rrugë.

Sipas burimeve policore mësohet se ky aksident ka ndodhur si pasojë e ngricave në rrugë, ku mëngjesin e sotëm në Bulqizë janë ulur ndjeshëm temperaturat.

I plagosuri, identiteti i të cilit nuk dihet, ka marrë dëmtime të lehta dhe fatmirësisht ndodhet jashtë rrezikut për jetën.

Kujtojmë se, shpesh herë në këtë aks, si pasojë e pranisë së ujit në rrugë dhe ngricave nga i ftohti janë shënuar një sërë aksidentesh!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat