Një grup banorësh të lagjes 13 në Durrës protestuan para bashkisë këtë të mërkurë.
Shkak u bënë punimet e nisura për shtrimin e rrugës “Mbreti i Arbrit”. Banorët thanë se punimet nuk po kryehn me standarde pasi firma që ka marrë tenderin nuk ka bërë asnjë ndërhyrje për kanalizimet.
Sipas tyre, lagjia ka probleme me përmbytjet sa herë ka reshje shiu. E për këtë arsye u shprehen banoret në rast se kanalizimet nuk ndërtohen situata do të bëhet më e vështirë.
Nga ana tjetër sipas bashkise kanalet kulluese do të bëhen në një moment të dytë, ndërsa ato të ujërave të zeza do të bëhen për të gjithë zonën.
