13 cm çelik e i reziston çdo sulmi, “bisha” që po shoqëron Erdoganin në Shqipëri

Shqipëria

13 cm çelik e i reziston çdo sulmi, “bisha” që po shoqëron Erdoganin në Shqipëri

Më: 17 janar 2022 Në ora: 14:09
“Bisha” që po shoqëron Erdoganin në Shqipëri

Presidenti turk Erdogan është duke lëvizur me makinat e tij gjatë vizitës disa orëshe në Shqipëri.

Para se ai të zbriste në Rinas, kanë mbërritur dy makinat luksoze të tipit “Mercedes-Maybach” S600, version “Pullman Guard”, të cilat janë të blinduara dhe shoqërojnë liderin turk në të gjitha vizitat e tij brenda dhe jashtë vendit.

Makina është version më i avancuar i “Mercedesit” dhe kushton rreth 1.6 milion euro dhe përdoret po ashtu nga diktatori i Koresë së Veriut, Kim Jong Un.

Image
“Bisha” që po shoqëron Erdoganin në Shqipëri

Makina, me të cilën udhëton Erdogani, është e blinduar dhe rezistenente ndaj të gjitha sulmeve me armë zjarri. “Mercedesi” është i veshur nga një fletë çeliku 13 cm të trashë.

Po ashtu, makina në fjalë është e izoluar tërësisht nga ambienti i jashtëm me qëllim parandalimin e çdo sulmi me armë kimike apo biologjike.

Presidenca turke bleu tre makina të tilla dy vjet më parë duke shkaktuar reagime të shumta në vend për shkak të kostos së lartë.

Image
“Bisha” që po shoqëron Erdoganin në Shqipëri

Të njëjtat makina ai i mori edhe në vizitën e fundit që kreu në SHBA.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat