Dënohen vrasësit e taksistit/ 37 vite burg për vëllezërit që e akuzuan se kishte lidhje me nënën e tyre

Shqipëria

Dënohen vrasësit e taksistit/ 37 vite burg për vëllezërit që e akuzuan se kishte lidhje me nënën e tyre

Më: 9 shkurt 2022 Në ora: 19:43
Foto ilustrim

Kjo makinë me targën e mbuluar me Bekimin ” Urime çiftit”, por prej të cilës u qëllua për vdekje Abdulla Budlla u konsiderua prova më e fortë kundër dy vëllezërve Saimir dhe Arsil Shera.

Dy të rinjtë, njëri 33 vjeç dhe tjetri 22 vjeç u shpallën fajtore nga gjykata për vrasje me paramendim dhe u dënuan në total me 37 vite burgim.

Gjatë fjalës së mbrojtjes ata i kërkuan gjykatës të merrte parasysh si rrethanë lehtësuese gjendjen emocionale të secilit kur ata mësuan të vërtetën.

Ajo që Saimir Shera, dënuar me 22 vite e quajti ” errësimi i syve” ka lidhje me thashethemin që u hap në fshatin e tyre për lidhjen e mamasë me taksistin e familjes, të cilin e kishin pajtuar prej pesë vitesh. Vëllai më i madh Saimiri tha në gjykatë se kur u kthye nga Greqia kuptoi që historia ishte përhapur në zonë dhe ngado flitej për Abdulla Budllën dhe të ëmën e tij , por ndërkohë ai mësoi se viktima kishte ngacmuar edhe një anetar tjetër te familjes.

‘I ngjita makinës me qera frazën e urimeve në dasmë dhe i kërkova vëllait tjetër t’i jepte automjetit’, u rrëfye në gjykatë i riu i cili tregoi se më i vogli nuk dinte asgjë.

‘E pashë Budllën në makinën e tij, dhe humba arsyen ndaj e qëllova me një armë të 1997’- tha 33 vjeçari .

Gjykata vlerësoi se krimi u krye me paramendim dhe i shpalli fajtorë të dy djemtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat