Edhe në Fier e Vlorë kur kujtohen vuajtjet dhe vdekja e Krishtit

Shqipëria

Edhe në Fier e Vlorë kur kujtohen vuajtjet dhe vdekja e Krishtit

Më: 22 prill 2022 Në ora: 20:34
Edhe në Fier e Vlorë kur kujtohen vuajtjet dhe vdekja e Krishtit

Besimtarët ortodoksë të Fierit morën pjesë në ceremoninë e shëtitjes së Epitafit të Krishtit në qytet. Ky rit fetar organizohet në mbrëmjen e së premtes se zeze.

I shoqëruar me dhjetra besimtarë, Epitafi përshkoi rrugën nga Kisha e Shën Gjergjit  në qendrën e qytetit, ne pedonale dhe per tu kthyer me pas në kishë për të pritur atje besimtarët natën e Pashkëve.

E Premtja e Madhe, apo e Premtja e Zezë është dita kur kujtohen vuajtjet dhe vdekja e Krishtit.

E ashtuquajtura “java e zisë” fillon me të dielën që paraprin dhe është java më e rëndësishme në kalendarin e kishës ortodokse.

Edhe në Vlorë besimtarë ortodoksë kanë kremtuar të Premten e Zezë. Gjatë pasdites, nga kisha e Shen Theodhorit është organizuar riti i kalimit nën epitaf dhe varrimi i Krishtit, pjesë e të cilës janë bërë qindra qytetarë të Vlorës.

Me një marshim të heshtur, qindra persona kanë bërë parakalimin tradicional në rrugët kryesore  të qytetit.

Procesionin e ka udhëhequr At Konstandin Prifti, ndërsa e premtja para Pashkës, e cila njihet si e Premtja e Zezë, shënon ditën e kryqëzimit të Krishtit dhe vuajtjeve të tij me kryqin mbi shpinë, duke ecur drejt vendit ku u kryqëzua, për t’u ringjallur të dielën e Pashkës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat