Korrupsioni/ Manja kritikon SPAK: Rastet që dërgohen për gjykim mbeten të ulëta

Shqipëria

Korrupsioni/ Manja kritikon SPAK: Rastet që dërgohen për gjykim mbeten të ulëta

Më: 13 maj 2022 Në ora: 15:05
Ulsi Manja

Ministri i Drejtësisë Ulsi Manja ka kritikuar sistemin gjyqësor për numrin e ulët të hetimeve për veprat penale të korrupsionit.

"Rastet që dërgohen për gjykim mbeten të ulëta krahasuar me numrin total të regjistruar. 0,3 % në numrin e përgjithshëm të çështjeve penale të regjistruara. Vijon të mbetet i ulët roli proaktiv lidhur me veprat penale kundër korrupsionit", tha Manja.

Gjatë raportimit në komisionin e ligjeve, manja theksoi se më problematike janë rastet e korrupsionit me tenderat dhe përhapja e këtij fenomeni në administratë.

Ministri theksoi se është rritur numri i veprave penale të pastrimit te parave krahasuar me një vit më parë ndërkohë që sipas tij, vepra penale e dhunës në familje ka shënuar ulje. Raporti evidenton me shqetësim rritjen e numrit të krimeve  seksuale për vitin e kaluar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat