Pas problemeve për kriterin profesional, prokurorja dërgohet për trajnim në Magjistraturë

Shqipëria

Pas problemeve për kriterin profesional, prokurorja dërgohet për trajnim në Magjistraturë

Më: 13 maj 2022 Në ora: 23:43
Marsida Frashëri

Komisioni i Pavarur i Kualifikimit vendosi të pezullojë për një vit nga detyra prokuroren e Shkodrës, Marsida Frashëri dhe e dërgoi atë për të ndjekur programin e trajnimit sipas kurrikulave të miratuara nga Shkolla e Magjistraturës. “Në përfundim të këtij trajnimi, pas administrimit të rezultateve të arritura nga subjekti, Komisioni do të përfundojë procesin e rivlerësimit bazuar në të tre kriteret,” deklaroi kryesuesi i trupës së KPK, Lulzim Hamitaj.

Gjatë seancës dëgjimore të zhvilluar të martën më 10 maj, prokurorja Frashëri u përball me barrë prove për kriterin profesional, pasi për 27 dosje nuk kishte kryer veprime hetimore sipas KPK-së. Frashëri këmbënguli se këto situata kishin ardhur prej ngarkesës së lartë dhe problemeve të sistemit.

Procesi i rivlerësimit për prokuroren Marsida Frashëri po kryhet nga trupa e kryesuar nga Lulzim Hamitaj, me relatore Valbona Sanxhaktarin dhe anëtare Genta Tafa Bungon.

Frashëri është magjistratja e katërt për të cilën Komisioni vendos ta dërgojë për rikualifikim në Shkollën e Magjistraturës. Vendimarje e njëjtë është marë më parë për prokurorin e Apelit Shkodër, Elvin Gokaj, prokuroren e Lezhës, Riselda Fishta dhe kryegjyqtarin e Matit, Artan Çupi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat