Presidenti i vendit Ilir Meta ka deklaruar se Bashkimi Evropian duhet të jetë i qartë dhe i vendosur ndaj vendeve të Ballkanit Perëndimor në strategjinë e zgjerimit të tij.
Ndërsa ka theksuar se qeveritë e këtyre shteteve duhet të kujtohen të zbatojnë mekanizmin dhe angazhimet e vendosura të BE-së!
“Bashkimi Evropian duhet të jetë i qartë dhe i vendosur ndaj qeverive të Ballkanit Perëndimor në strategjinë e zgjerimit! Kjo është arsyeja pse të gjitha qeveritë e Ballkanit Perëndimor duhet të kujtohen të zbatojnë mekanizmin dhe angazhimet e vendosura të BE-së!
Për të krijuar një rrugë evropiane të qëndrueshme dhe të pakthyeshme për Ballkanin Perëndimor, ne kemi nevojë për një udhëheqje të fortë euroatlantike dhe një koordinim më të mirë të BE-së dhe SHBA”, është shprehur Meta në Forumin Global të mbajtur në Baku të Azerbajxhanit.
