Sinoptikanët paralajmërojnë ditë të nxehta, vendi ‘goditet’ nga masa me origjinë nga Afrika e Veriut

Shqipëria

Sinoptikanët paralajmërojnë ditë të nxehta, vendi ‘goditet’ nga masa me origjinë nga Afrika e Veriut

Më: 18 qershor 2022 Në ora: 07:24
Foto ilustrim

Duke filluar nga kjo fundjavë, sinoptikanët thonë se mbi vendin tonë fillojnë gradualisht të depërtojnë masa ajrore të qëndrueshme dhe të nxehta me origjinë nga Afrika e Veriut.

Në këtë mënyrë për të shtunën, moti parashikohet i kthjellët por edhe alternime vranësirash kalimtare të cilat në relievet malore hera-herës do të jenë deri të dendura.

Në momentin e zhvillimit të vranësirave në këto zona reshje shiu të izoluara në formën e shtrëngatave dhe stuhive afatshkurtra.

Nga relativisht të njejta kushte atmosferike vendi ynë do të ndikohet edhe për ditën e Diel. Moti parashikohet i kthjellët si dhe alternime vranësirash kalimtare më të theksuara në relievet malore në lindje dhe zonën e jugut. Në relievet e larta malore në jug në orët e nxehta të ditës reshje shiu të izoluara në formën e shtrëngatave dhe stuhive afatshkurtra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat