Amnistia fiskale e qeverisë, Soko: Finalizimi i një maskarade, penalizohemi ne që s’kemi shitur drogë e vjedhur

Shqipëria

Amnistia fiskale e qeverisë, Soko: Finalizimi i një maskarade, penalizohemi ne që s’kemi shitur drogë e vjedhur

Më: 25 qershor 2022 Në ora: 20:08
Pano Soko

Paralajmërimet e ndërkombëtarëve dhe skepticizmi i tyre për realizimin e amnistisë fiskale në Shqipëri nuk kanë ndikuar në qeverinë e drejtuar prej Edi Ramës.

Tashmë projektligji është paraqitur për konsultim publik e më tej do të vijohet me votimin në qeveri e parlament.

Sipas draftit me 25 nene të gjithë shqiptarët brenda dhe jashtë territorit do të mund të ligjërojnë deri në 2 milionë euro, pavarësisht sesi i kanë krijuar të ardhurat.

Ndërkohë eksperti i ekonomisë Pano Soko thotë se ky është finalizimi i një maskarade në shtetin tonë.

Në një intervistë për Ora News,me gazetarin Everest Dedaj, Soko tha se qeveria në vend që të penalizojë paratë që merren nga droga apo vjedhja i amniston, ndërkohë që nuk bën këtë për ata që punojnë ndershmërisht.

Pano Soko: Është hera e disatë që diskutohet amnistia fiskale. Këtë herë ka  një avancim të procesit duke dalë në një draft konkret, ku të gjithë shtetasit shqiptarë që disponojnë deri në 2 mln euro, kanë të drejtë t’i pastrojnë ato para. Kjo është finalizimi I një maskarade dhe në fund fare është metafora e sistemit ku ne jetojmë. Kurse ne që nuk kemi vjedhur, nuk kemi shitur drogë, jemi të penalizuar. Ndërsa këto që i kanë bërë këto gjëra, në vend që shoqëria t’I penalizojë, tashmë i amniston. Jo vetëm i amniston por edhe i nxit ata për të bërë më shumë.  Dikush që ka shitur drogë  paguan 4 deri në 10% tatim, ndërkohë që ne kemi punuar ndershmërisht, kemi paguar 23% tatime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat