Hidhnin kartëmonedha false në treg, pas 3 bashkëpunëtorëve, arrestohet organizatori i rrjetit të falsifikimit

Shqipëria

Hidhnin kartëmonedha false në treg, pas 3 bashkëpunëtorëve, arrestohet organizatori i rrjetit të falsifikimit

Më: 28 qershor 2022 Në ora: 09:34
Foto ilustrim

Një 46-vjeçar ka rënë në prangat e policisë, pasi akuzohet si organizator i një veprimtarie të paligjshme ku hidhnin kartëmonedha false në treg.

Burime zyrtare nga policia bënë me dije se në kuadër të operacionit të koduar ‘50 Dollars’ u arrestua personi i katërt, që është organizator, shtetasi me inicialet L. D.

NJOFTIMI I POLICISË

Finalizohet faza e dytë e operacionit policor të koduar “50 Dollars”, i zhvilluar nga Seksioni për Hetimin e Krimit Ekonomik dhe Financiar në DVP Tiranë, në bashkëpunim me Forcën e Posaçme Operacionale, nën drejtimin e Prokurorisë.

Operacioni, në vijim të operacionit të koduar “50 Dollars”, i zhvilluar rreth 2 muaj më parë, gjatë të cilit u vunë në pranga 3 shtetas që hidhnin në treg kartëmonedha të dyshuara të falsifikuara.
Vihet në pranga organizatori i dyshuar i kësaj veprimtarie kriminale. Sekuestrohen sasi të konsiderueshme të kartëmonedhave të prerjes 50 dollarë, të dyshuara të falsifikuara, dhe një automjet.

comment Për komente lëvizni më poshtë
Sot mund të lexoni Shfletoni kopertinat