“Kush … El Chapo?”, ferma gjigante e kanabisit në malin e Olimpit bën bujë në mediat greke: Ata kishin gjithçka

Shqipëria

“Kush … El Chapo?”, ferma gjigante e kanabisit në malin e Olimpit bën bujë në mediat greke: Ata kishin gjithçka

Më: 26 shtator 2022 Në ora: 23:44
Foto ilustrim

Ferma gjigante e kanabisit në malin e Olimpit në Greqi i njohur ndryshe dhe si mali i “Zotave”, ka tërhequr vëmendjen e mediave greke, të cilat shkruajnë se atë që kanë parë në shtetin e tyre mund ta shohësh vetën në Netflix.

Sipas asaj që shkruan “Protothema” mafiozët shqiptarë në bashkëpunim me ata grekë kishin arritur që të ngrinin një plantacion gjigant në majën e Olimpit, aq sa edhe shteti e pati tmerrësisht të vështirë që të ndërhynte.

Mediat shkruajnë gjithashtu se aty mund të gjeje gjithçka, nga uji, deri tek sendet më të vogla që ju nebojiteshin punëtorëve për mirëmbajtjen e fermës.

Ndërsa bën paralele me serialin e njohur në Netflix, “Narcos”, Protothema raporton se autoritetet në vend lokalizuan një supe-parcelë prej 40 hektarësh në pesë nivele që do të prodhonte në fazën e parë më shumë se 11 tonë kërp të cilësisë së parë ndërsa fitimet pritej të kalonin 40 milionë euro.

“Biznesi” i madh nisi një vit më parë, me prerjen e qindra pemëve në anën lindore të Olimpit, në lartësinë 1500 metra, krijimin e një sistemi të posaçëm vaditjeje të gjatë disa kilometra nga burimet e Olimpit dhe më pas dhjetëra mushka u përdorën për të transportuar lëndët e para, veglat, por edhe të korrat e “arta”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat