Ndërtimet në Tiranë/ Vasili: Kryeqyteti në duart e vandalëve të Rilindjes, i kthyer në një monstër betoni!

Shqipëria

Ndërtimet në Tiranë/ Vasili: Kryeqyteti në duart e vandalëve të Rilindjes, i kthyer në një monstër betoni!

Më: 27 shtator 2022 Në ora: 16:40

Deputeti i Partisë së Lirisë, Petrit Vasili ka reaguar për ndërtimet e shumta në qytetin e Tiranës, ku në një postim në Facebook, ka shkëputur një pjesë nga një artikull i tabloidit britanik “The Guardian” për një godinë që po ngrihet në kryeqytet.

The Guardian shkruan:

“Ndërtesa ka më shumë gjasa që t’i ngjajë kokës së artistit të kthyer politikan, i cili do të qëndrojë duke vështruar në përjetësi përbindëshat e betonit, që errësojnë Tiranën”.

Sipas Vasilit, Tirana në duart e vandalëve të Rilindjes është kthyer në një monstër betoni. Deputeti i PL-së, ka renditur disa tregues që sipas tij, dëshmojnë situatën “katastrofike” në kryeqytet.

Vasili thotë se Tirana është ndër të fundit në botë për cilësinë e jetës, më e ndotura në Europë dhe si një nga vendet që ka më shumë trafik.

Postimi i Petrit Vasilit:

Perbindshat e betonit, qe erresojne Tiranen!

The Guardian shkruan:
“Ndërtesa ka më shumë gjasa që t’i ngjajë kokës së artistit të kthyer politikan, i cili do të qëndrojë duke vështruar në përjetësi përbindëshat e betonit, që errësojnë Tiranën”.

Kjo eshte Tirana, qe duart e vandaleve te rilindjes Rama e Veliaj e shkaterruan, duke e shnderruar thjesht ne nje Monster Betoni. Antimafia Italine ka zbuluar se grupi kriminal i Ndranghetës ka pikasur zhvillimet e ndodhura në Tiranë si një mundësi kryesore për pastrimin e parave të tyre. Pra Tirana eshte kthyer ne nje lavatriçe te vertete te pastrimit te parave.

Treguesit e Tiranes jane katastrofike:

Tirana është ndër të fundit në botë për cilësinë e jetesës. Në krahasim me mesin e një viti më parë, të dhënat janë përkeqësuar, pasi në renditjen aktuale, Tirana ishte e 232-a nga 254 kryeqytete e qytete, ndërsa një vit më parë ishte në pozicionin e 215.

Tirana renditet e 44-a më e shtrenjtë nga 254 qytete e kryeqytete në raportin e çmimeve të pasurive të paluajtshme ndaj të ardhurave. Të blesh një apartament në kryeqytet është njësoj e shtrenjtë në raport me të ardhurat, si ta blesh atë në Londër, Milano, Romë, apo Munih.

Për indeksin e ndotjes, Tirana është në vendin e 242, më e ndotura në Europë dhe ndër të fundit në qytetet në këtë renditje.

Në indeksin e trafikut, Tirana është në vendin e 181 nga 254 qytetet që kanë më shumë trafik, por gjithsesi është më mirë se kryeqytete të tilla si Londra apo Parisi.

Por, në indeksin e fuqisë blerëse (që mat fuqinë blerëse në raport me mesataren e Nju Jorkut), Tirana është ndër të fundit, në vendin e 231.

Në Indeksin e Kujdesit Shëndetësor, Tirana është në vendin e 246, e fundit në Europë dhe duke u renditur ndër 9 qytetet me kujdesin më të keq shëndetësor që janë të përfshira në këtë renditje.

Kjo eshte Tirana e pajetueshme dhe e pashendetshme per shkak te duarve te pista te atyre qe kane rrembyer qeverisjen e qytetit.

Palaco dhe sharlatane ku ligesia, babezia dhe padija jane bere bashke.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat