Digjet barakja me një person brenda në Sarandë, dërgohet me urgjencë drejt Traumës 57-vjeçari

Shqipëria

Digjet barakja me një person brenda në Sarandë, dërgohet me urgjencë drejt Traumës 57-vjeçari

Më: 27 shtator 2022 Në ora: 22:57
Foto ilustrim

Një zjarr i përmasave të mëdha ka djegur pothuajse plotësisht një barakë në fshatin Çukë, të bashkisë Sarandë. Ngjarja ka ndodhur mbrëmjen e kësaj të martë.

Nga informacionet paraprake mësohet se brenda barakës ndodhej  edhe një person, i cili sipas burimeve mësohet se ka pësuar një djegie të gradës së tretë në gjithë trupin.

Ka qenë djali i tij që ka ndihmuar të lënduarin e identifikuar si Ilirjan Xhani 57 vjeç, dhe e ka shoqëruar me ambulancë për në spital.

Sipas bluzave të bardha gjendja e 57 vjeçarit është e rëndë. Ai do të transportohet me ambulancë në spitalin e Traumës në Tiranë. Zjarrfikësja dhe policia në vendngjarje, teksa po vijon puna për zbardhjen e rrethanave shkaqeve të rënies së zjarrit.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat