Zhdukja e Ervis Martinajt, Klodiana Lala bën paralajmërimin e fortë

Shqipëria

Zhdukja e Ervis Martinajt, Klodiana Lala bën paralajmërimin e fortë

Më: 28 shtator 2022 Në ora: 08:03
Klodiana Lala

Gazetarja Klodiana Lala ka folur mbrëmjen e djeshme në emisionin ‘Open’ rreth zhdukjes së Ervis Martinajt.

Siç edhe ka theksuar më herët gazetarja Lala tha se në videon e siguruar ku shihen lëvizjet e fundit nga Martinaj, ka qenë në shoqërinë e një vajze.

“Kishte dyshime se kishte marrë pjesë në varrimin e kushëririt të tij, Brilant Martinaj. Po ashtu dy ditë nga data 5 gusht ka një moment tjetër të pamjeve vizuale të tij, në datën 9 babai i tij i thotë prokurorisë se ka humbur kontaktet me të birin e tij. Ky është një hetim i vështirë për autoritetet tona. Prokuroria është duke hetuar”, tha gazetarja duke shtuar:

“Nëse Jeton Lami flet sa lart shkon inkriminimi i policisë. Nëse shteti nuk ndërhyn në trekëndëshin Tiranë-Nikël dhe Fushë Kuqë do të ketë masakër”, tha ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat