​Përvjetori i fjalimit të parë të një presidenti shqiptar në OKB

Shqipëria

​Përvjetori i fjalimit të parë të një presidenti shqiptar në OKB

Më: 28 shtator 2022 Në ora: 10:43
Fjalimi i parë i një presidenti shqiptar në OKB

32 vjet më parë për herë të parë një president shqiptar, merrte pjesë në punimet e Asamblesë së Përgjithshme të Organizatës së Kombeve të Bashkuara (OKB).

Kreu i shtetit asokohe ishte Ramiz Alia dhe ky akt u interpretua edhe si një përpjekje e Alisë për të siguruar një kalim gradual nga regjimi diktatorial në pluralizëm, duke marrë njëkohësisht edhe mbështetjen e nevojshme të vendeve të perëndimit.

Ramiz Alia, iu drejtua selisë së OKB-së për të ligjëruar në lidhje me gjenocidin e ushtruar mbi popullsinë shqiptare në Jugosllavi. Alia apeloi për reagimin e komunitetit ndërkombëtar ndaj një “prej problemeve më të mprehta dhe më shqetësuese në Ballkan”. Pavarësisht rëndësisë së ngutshme që diktonte çështja e shqiptarëve të Kosovës, ky akt u interpretua edhe si një lëvizje që kishte të bënte me politikën e brendshme.

Alia u prit nga Sekretari i Përgjithshëm i OKB-së, Javier Perez de Kuelar. Drejtoria e Përgjithshme e Arkivave sjell në vëmendje dokumentin, ku paraqiten fragmente nga biseda mikpritëse e Alisë nga De Kuelar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat