Berisha: Edi Rama i tmerruar nga protesta, anuloi pushimin e administratës

Shqipëria

Berisha: Edi Rama i tmerruar nga protesta, anuloi pushimin e administratës

Më: 1 dhjetor 2022 Në ora: 23:21
Sali Berisha

Kreu i Partisë Demokratike, Sali Berisha, në një takim me banorë të degës 1 dhe 3 në Tiranë, deklaroi se kryeministri Edi Rama e anuloi si ditë pushimi datën 6 dhjetor për administratën nga frika se “administrata mund të dilte në protestë”.

“Edi Rama është tmerruar nga protesta dhe po të keni vënë re ju, të gjitha antenat e tyre, të gjithë gazetat dhe portalet e tyre, duan ta paraqesin sikur po bëhet kiameti në datën 6. Në datën 6 është triumfi i popullit opozitar, i cili do t’i thotë Europës dhe botës se ky kryeministër është një mafie, mafioz i rrezikshëm për popullin e tij, se kjo qeveri është mafioze. Se vërtetë jeni në Shqipëri, por ata institucione perëndimore që vlerësojnë funksionimin e shtetit ligjor, kanë gjetur Shqipërinë që është 53 vende nën Kosovën, sepse Kosova zbaton ligjin, që do të thotë barazi para ligjit, garanci për të drejtat e njeriut”, tha Berisha.

“Po nuk ndalet me kaq. Është 4 vende poshtë Vietnamit komunist. Shkoni ju në gjykata, nuk fitohen procese kundër qeverisë më, të gjitha i fiton me telefon Edi Rama me Engjëll Agaçin. Ky pra është një motiv tjetër themelor që në datën 6 të protestojmë për çdo shqiptar që nuk mund të jetë i pranishëm aty. E morët vesh çfarë bëri. E anuloi ditën e pushimit për administratën, sepse u tmerrua, sepse administrata mund të dilte në protestë me ne. I bëj thirrje administratës të vijnë tek ne. Kur kuptoi që administrata e tërë do të derdhej në shesh, e anuloi tha ka qenë lajm i rremë, kur ata ishin njoftuar të gjithë”, shtoi Berisha.

commentFirst article
Sot mund të lexoni Shfletoni kopertinat