U shkarkua nga detyra, Çuçi: Nder dhe përgjegjësi e madhe të ushtroja këtë funksion të lartë publik

Shqipëria

U shkarkua nga detyra, Çuçi: Nder dhe përgjegjësi e madhe të ushtroja këtë funksion të lartë publik

Më: 8 korrik 2023 Në ora: 21:51
Bledi Çuçi

Bledi Çuçi ka reaguar pas shkarkimit nga detyra si ministër i Brendshëm.

“Falënderoj kryeministrin Rama për besimin dhe mbështetjen që më ka dhënë këto dy vite e gjysmë në detyrën e vështirë të Ministrit të Brendshëm. Për mua ka qenë nder dhe përgjegjësi e madhe të ushtroja këtë funksion të lartë publik dhe shumë të rëndësishëm.

Prej ditës së parë kur e mora atë detyrë e deri më sot kam punuar e shërbyer me integritet dhe bashkë me skuadrën e Ministrisë së Brendshme kemi adresuar shumë sfida që lidhen me sigurinë, rendin publik,  emigracionin, gjendjen civile dhe pushtetin vendor.

Një falënderim i veçantë shkon për të gjithë ata që ishin krah meje në këtë rrugëtim sfidues.

Suksese Taulantit në sfiden e re, për të vijuar me reformat transformuese në këtë ministri e veçanërisht në Policinë e Shtetit”- tha Çuçi.

commentFirst article
Sot mund të lexoni Shfletoni kopertinat