Autoriteti rrugor shqiptar ka dalë me një njoftim mbi gjendjen e akseve rrugore pas reshjeve të dendura të dëborës ditën e djeshme dhe bllokimit të disa rrugëve. ARRSH njofton se qarkullimi vijon pa probleme në të gjitha akset nacionale, teksa i bën thirrje drejtuesve të mjeteve që të përdorin goma dimërore dhe zinxhirë.
Reshjet e dëborës, ARRSH bën njoftimin e rëndësishëm: Qarkullimi pa probleme në akset nacionale, kujdes duhet...
Përmes një postimi në rrjetet sociale ARRSH ju këshillon të bëni kujdes dhe të ulni shpejtësinë e automjetit.
Njoftim mbi gjendjen e akseve rrugore
Gjatë orëve të natës dhe në mëngjes, intensiteti i reshjeve ka rënë në të gjithë territorin.
Temperaturat kanë qenë në ulje deri në -6 në zonat malore.
Qarkullimi vijon pa probleme në të gjitha akset nacionale.
Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.