Kandidati për deputet i Nisma Shqipëria Bëhet në zgjedhjet e 11 majit, Pano Soko tha se mandati i fituar nga koalicioni i tyre i takon Adriatik Lapajt si më i votuari nga populli.
Ai tregoi precedentin e zgjedhjeve të 2021 me Tom Doshit që hoqi dorë nga mandati pa e marrë në KQZ për të shpjeguar mekanizmin e përdorur prej tyre të dorëzuar dorëheqjet e emrave në listën e mbyllur.
“Lapaj është më i votuari dhe ai merr mandatin, se çfarë bën ai është tjetër gjë. Mandati është përgjegjësi që ta jep populli. Ne kemi precedentin e 2021, mandatin e Tiranës për PSD e mori Tom Doshi dhe nuk hyri në marrjen dhe dorëzimin e mandati por doli nga gara.
Këtu u krijua një precedent që ne e shfrytëzuam, për të dorëzuar dorëheqjet e emrave në listë të mbyllur ditën e zgjedhjeve. Me t’u certifikuar zgjedhjet, Lapaj që mori më shumë vota duhet të marrë mandatin”, tha Soko në emisionin në Euronews Albania.
