Të tjera detaje janë bërë publike në lidhje me plagosjen me armë zjarri në fshatin turistik të Borshit.
Mësohet se është identifikuar dhe shoqëruar në polici shtetasi Hekuran Çelaj, i dyshuari për plagosjen me armë zjarri.
I plagosuri është Erald Shullazi. Plagosja ndodhi, pas një sherri mes shokëve në një lokal në zonë.
Ngjarja
Ngjarja ndodhi mëngjesin e kësaj të enjteje (31 korrik) dhe sipas informacioneve nga burimet e policisë është plagosur një i ri të cilin fatmirësisht plumbi e ka kapur në pjesën e dorës.
Ngjarja ka ndodhur në një lokal, ku dy shokë po konsumonin alkool, më pas kanë debatuar të ulur në tavolina dhe një prej tyre ka nxjerr armën dhe e ka goditur.
