Në monumentin e natyrës “Kanioni i Langaricës” u shpëtuan sot 14 turistë të huaj, të cilët kishin mbetur të bllokuar për shkak të rritjes së nivelit të ujit në lumin e Langaricës.
Agjencia Kombëtare e Zonave të Mbrojtura informoi sot se turistët u shpëtuan falë bashkëpunimit mes Policisë dhe shërbimeve zjarrfikëse.
Njoftimi:
“Komisariati i Policisë Përmet, në bashkëpunim me shërbimet zjarrfikëse dhe punonjësit e Administratës Rajonale të Zonave të Mbrojtura Gjirokastër, kanë kontrolluar të gjithë zonën dhe kanë bërë të mundur lokalizimin e turistëve e më pas kanë organizuar aksionin e shpëtimit”, theksoi AKZM.