Llagami pretendon se është fituese, Kushtetuesja jep sot vendimin mbi çështjen

Shqipëria

Llagami pretendon se është fituese, Kushtetuesja jep sot vendimin mbi çështjen

Më: 11 nëntor 2025 Në ora: 10:47
Foto

Gjykata Kushtetuese këtë të hënë do të marrë vendimin për kërkesën e Naureda Llagamit.

Ajo ka paraqitur dy kërkesa: kthimin për gjykim të çështjes në Gjykatën Administrative, ose shqyrtimin e saj nga vetë Gjykata Kushtetuese. Llagami pretendon se është ajo fituesja legjitime e garës për gjyqtar të Gjykatës Kushtetuese.

Nga ana tjetër, Gjykata e Lartë, si institucion emërtues, përmes procedurës së rregullt, shpalli fitues Asim Vokshin. Që prej datës 30 shtator, ai është përzgjedhur si gjyqtari i ri i Kushtetueses, por ende nuk është thirrur nga Presidenti Bajram Begaj për të bërë betimin hap që do të zyrtarizonte emërimin e tij.

Seanca e sotme ka rëndësi të veçantë, pasi pritet t’i japë zgjidhje ngërçit të krijuar lidhur me pyetjen se kujt i takon vendi vakant në Gjykatën Kushtetuese.

comment Për komente lëvizni më poshtë
Sot mund të lexoni Shfletoni kopertinat