Goditen lojërat e fatit në Tiranë, katër të arrestuar

Shqipëria

Goditen lojërat e fatit në Tiranë, katër të arrestuar

Më: 26 nëntor 2025 Në ora: 14:55
Foto ilustrim

Policia e Shtetit ka arrestuar katër persona si pjesë e operacionit të koduar “Game”, për goditjen e veprimtarive të paligjshme në fushën e lojërave të fatit.

Gjatë kontrolleve në fshatin Mullet të Tiranës, në lokalin e shtetasit R. K., u gjet një makinë për lojëra fati.

Në vijim të veprimeve për këtë rast u arrestuan shtetasit R. K., 36 vjeç (pronari i lokalit) dhe K. K., 29-vjeç, i cili u kap në lokal, duke luajtur lojëra fati.

Gjithashtu, u arrestuan shtetasit F. A., (20) dhe E. V. (18), pasi u kapën në një lokal tjetër në Farkë, duke luajtur lojëra fati, raporton KosovaPress.

Gjatë kontrolleve në këto dy lokale, u gjetën dhe u sekuestruan një makinë për lojëra fati, një kompjuter, katër telefona mobilë dhe një shumë parash. Materialet procedurale iu referuan Prokurorisë.

comment Për komente lëvizni më poshtë
Sot mund të lexoni Shfletoni kopertinat