Një aksident rrugor me pasojë vdekjen është regjistruar mbrëmjen e sotme në Durrës, në zonën e njohur si rruga e re e Portit.
Sipas informacioneve paraprake, viktima, 68-vjeçari ka humbur jetën në vendngjarje si pasojë e përplasjes. Menjëherë pas ngjarjes, në zonë kanë mbërritur shërbimet e Policisë dhe ambulanca.
Njoftimi i plotë i policisë:
Rreth orës 18:44, në rrugën e re të portit, në vendin e quajtur “Marfish”, automjeti tip Benz, që drejtohej nga shtetasi L. K., 28 vjeç, ka aksidentuar këmbësorin, shtetasin R. M., 68 vjeç. Si pasojë e aksidentit, 68-vjeçari ka ndërruar jetë.
Drejtuesi i automjetit, shtetasi L. K., është shoqëruar në Komisariat për veprime të mëtejshme procedurale.
Grupi hetimor po punon për sqarimin e plotë të rrethanave të aksidentit.