Muri pritës në kilometrin e 13-të të rrugës Maliq–Lozhan, në afërsi të urës së Qënckës është shembur.
Si pasojë e dëmtimit të murit, një masiv dheu ka rrëshqitur duke bllokuar një krah të rrugës.
Aktualisht, qarkullimi i automjeteve kryhet vetëm në një korsi, me lëvizje të alternuar.
Prej orëve të para të mëngjesit ka nisur ndërhyrja për pastrimin e inerteve dhe rikthimin e plotë të qarkullimit në këtë aks rrugor që lidh Maliqin me zonën e Moglicës dhe Gramshin.