Sefa: Vija e kuqe për ndërkombëtarët është SPAK! Ja çfarë pritet të hënën

Shqipëria

Sefa: Vija e kuqe për ndërkombëtarët është SPAK! Ja çfarë pritet të hënën

Më: 25 shkurt 2026 Në ora: 19:06
Juristi Indrit Sefa

Juristi Indrit Sefa, i ftuar në News24 ka deklaruar se nuk pret asnjë surprizë në seancën plenare ku pritet të votohet në lidhje me imunitetin e zëvendës kryeministres Belinda Balluku, ku parashikoi se mazhoranca do të votojë e gjitha sipas urdhrit të kreut të qeverisë Edi Rama.

Ai u shpreh se në rast se PS do të vendosë të mbroje deri në fund Ballukun, do të ketë pasoja për vendin dhe vetë mazhorancën.

Duke u ndalur në situatën e krijuar së fundmi me rrugët, Sefa tha se është një situatë e rëndë, duke pasur parasysh faktin që çdo vit prokurohen mln euro vetëm për mirëmbajtjen e tyre.

“Nuk e besoj që brenda mazhorancës të ketë ide kundër qëndrimit të Ramës, nëse ai thotë votojmë pro të gjithë votojnë pro, madje edhe vetë Balluku voton pro.

Ndërkombëtarët e kanë thënë, mazhoranca duhet të adresojë çështjen e imunitetit të Ballukut.

Kjo i ka bërë asaj të qartë që nga vendimmarrja varet e ardhmja politike e PS dhe rruga europiane e vendit.

Nëse Rama bën kumar politik, mendoj se do të ketë pasoja shumë të rënda për të personalisht dhe mazhorancën, duke mos harruar që vendit i pengohet rruga drejt BE.

Aleatët tanë e kanë bërë të qartë që vija e kuqe të mbështetjes së tyre është SPAK.

Qindra mln euro prokurohen çdo vit vetëm për mirëmbajtjen rrugore”, tha ai.

comment Për komente lëvizni më poshtë
Sot mund të lexoni Shfletoni kopertinat